Афзоиши маҳсулоти минтақавии вилояти Суғд дар 9 моҳ

Душанбе, 22 октябр. (АМИТ «Ховар», Ситора Раҷабова).- Маҷмӯи маҳсулоти минтақавии вилояти Суғд дар давоми нуҳ моҳи соли ҷорӣ 8,9 дарсад афзоиш ёфтааст. Дар ин бора 21-уми октябри соли равон раиси вилояти Суғд Қоҳир Расулзода дар як ҷаласаи корӣ дар ҳузури муовинон, раисони шаҳру ноҳияҳо ва роҳбарони як силсила ташкилоту идораҳои вилояти Суғд иттилоъ дод.«Дар даврони соҳибистиқлолии ҷумҳурӣ бори аввал аст, ки вилоят ба чунин нишондиҳандаи баланд ноил мешавад ва вазифаи мо дар марҳилаи минбаъда таҳким бахшидани ин муваффақият ба ҳисоб меравад», — таъкид намуд раиси вилоят.Дар ин бора аз хадамоти матбуоти раиси вилояти Суғд хабар доданд.