Бишкек мизбони ШАБ -ии СААД

Душанбе, 8 октябр.(АМИТ «Ховар», Марзия Саидова).-Имрӯз дар Бишкек — пойтахти Қирғизистон ҷаласаи Шӯрои Ассамблеяи байнипарлумонии кишварҳои узви Созмони Аҳдномаи амнияти дастаҷамъӣ /СААД/ баргузор мегардад. Дар робита ба ин Шукурҷон Зуҳуров -раиси Маҷлиси намояндагони Маҷлиси Олии ҷумҳурӣ ҷиҳати иштирок дар ин чорабинӣ ба Бишкек рафт.   Ҷаласаи Шӯрои Ассамблеяи байнипарлумонии кишварҳои узви СААД таҳти раёсати Сергей Наришкин-раиси Думаи давлатии Русия баргузор гардида, дар он масъалаҳои марбут ба таъмини амнияти минтақа, тақвияти иқтидори СААД ва соири масоили марбут ба тавсеаи ҳамкориҳои кишварҳои узви ин ниҳоди сиёсию низомӣ матраҳ хоҳанд шуд.