Чорабиниҳои пешгирикунандаи хариду фурӯши одамон

Душанбе, 8 октябр. (АМИТ «Ховар», Руқияи Боймамад).- Имрўз ҷаласаи навбатии Гуруҳи корӣ оид ба татбиқи соҳаи афзалиятноки «Чорабиниҳои пешгирикунандаи хариду фурӯши одамон» ҷиҳати татбиқи бандҳои 2, 4, 5, 6 ва 7-и «Барномаи маҷмӯии мубориза ба муқобили хариду фурӯши одамон дар Ҷумҳурии Тоҷикистон барои солҳои 2011-2013» доир мегардад.Дар ҷаласа тадбирҳое. ки вобаста ба механизми татбиқи Нақшаи чорабиниҳои пешгирикунандаи хариду фурӯши одамон дар давоми семоҳаи гузашта анҷом дода шудаанд, мавриди баррасӣ қарор хоҳанд гирифт. Ҳамчунин ҳисоботи аъзои гуруҳи корӣ, намояндагони Вазорати маориф, Агентии назорати маводи нашъаовар ва кумитаҳои кор бо занон ва оила ва оид ба корҳои дин дар робита ба амалишавии бандҳои зикршудаи барномаи мазкур шунида мешавад.