Дастури раиси шаҳр ба масъулини ниҳодҳои марбута

        Душанбе, 14 октябр.(АМИТ «Ховар», Марзия Саидова).-  Натиҷаҳои  фаъолияти анҷомдодаи  сохторҳои марбутаи пойтахт дар тӯли ду ҳафта ҷиҳати омодагӣ ба мавсими зимистон дар ҷаласаи Ситоди шаҳрӣ, ки дар ҳузури  Маҳмадсаид Убайдуллоев-раиси шаҳр доир шуд, баррасӣ гардид.
  Раиси шаҳр бо натиҷа аз санҷишҳои  комиссияҳои марбута , ки дар ноҳияҳо оид ба ҳолати  омодагиҳои фонди манзил, муассисаҳои иҷтимоӣ  ва Муассисаи шабакаи гармидиҳии пойтахт сурат гирифта, ба масъулин дастур дод, ки дар ҳамкорӣ бо соҳибмулкони манзил барои қабули гармӣ аз ҷониби «Маркази истеҳсоли барқу гармидиҳӣ» — и ШСХК “Барқи Тоҷик” корҳои нақшавиро ба роҳ монанд. 
Шаҳрдор аз масъулини ниҳодҳои марубта ва ШСХК “Барқи Тоҷик” талаб кард, ки ҷиҳати татбиқи Қарори марбутаи Ҳукумати кишвар тадбирҳои зарурӣ андешанд. Дар ин росто комиссияҳои назоратӣ муваззаф гардиданд, ки оид ба  ҳолати корҳои омодагӣ аз ҷониби сохторҳои ноҳиявию шаҳрӣ ва “Барқи Тоҷик” ба раиси шаҳр маълумот ироа созанд.