Иқдоми хайрхоҳона

Душанбе, 16 октябр. (АМИТ «Ховар», Анна  Мощенко). – 14  октябр ҳайати  профессорону  муаллимон ва кумитаи  иттифоқи  касабаи донишҷӯёни  Донишгоҳи   славянии  Русия  ва  Тоҷикистон  ба  ифтихори Иди  Қурбон  ба Ҷамъияти нобиноёни  шаҳри  Турсунзода ба  маблағи  умумии  4  ҳазор  сомонӣ  маводи  ғизоӣ аз  қабили  биринҷ,  картошка,  равған,  пиёзу  помидор  ва  маҳсулоти  дигар  тақдим  намуданд. 
 
Дар  ин  бора  раиси кумитаи  иттифоқи  касабаи  донишҷӯёни Донишгоҳи  славянии Русия ва Тоҷикистон,  профессор Ш.Б.Муллоев  ба АМИТ «Ховар»  хабар  дод.