Ҷаласаи Ҳукумат оид ба зарардидагони заминларзаи шаҳри Ваҳдат

Душанбе, 11 ноябр. (АМИТ «Ховар», Фарзона Ашӯрмадова).-Бо супориши Президенти Ҷумҳурии Тоҷикистон имрўз дар ҳузури Сарвазири мамлакат Оқил Оқилов ҷаласаи Комиссияи давлатии Ҳукумати Тоҷикистон оид ба ҳолатҳои фавқулодда баргузор гардид.Дар ҷаласа масъалаи расонидани кўмакҳои аввалия ба сокинони деҳоти шаҳри Ваҳдат, ки бар асари заминларзаи рўзи якшанбеи гузашта ба вуқуъ омада зарар дидаанд, мавриди баррасӣ қарор дода шуд.Тавре ки таъкид шуд, бар асари заминларзаи рўзи гузашта ба амал омада дар деҳоти шаҳри Ваҳдат аз рўи ҳисобҳои пешакӣ 104 хоҷагӣ пурра ва 259 хоҷагӣ қисман зарар дида, талафоти ҷонӣ ба қайд гирифта нашудааст.Оқил Оқилов аъзоени Комисияи давлатии Ҳукумати Ҷумҳуриро оид ба ҳолатҳои фавқулодда вазифадор кард, ки ҷиҳати иҷрои ҳатмии дастуру супоришҳои Президенти кишвар вобаста ба расонидани кўмак ба зарардидагон ва зудтар оғоз намудани корҳои барқарорсозию навсозии манзилҳои истиқоматӣ ва дигар иншооти хароб гардида тадбирҳои зарурӣ андешида, баҳри мушаххас намудани шумораи аниқи зарардидагон дар маҳали ҳодиса ситодҳои доимӣ ва гуруҳҳои корӣ таъсис диҳанд.