Дастгир шудани нашъаҷаллобон дар Конибодом
Душанбе, 5 ноябр. (АМИТ «Ховар, Л. Қосимова).- Дар доираи гузаронидани амалиёти «Кӯкнор-2013» кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд аз гардиши ғайриқонунӣ қариб 7 кг маводи нашъаовари гуруҳи бангдонаро мусодира намуданд, ки ин мавод барои интиқол додан ба ҳудуди Федератсияи Русия равона буд.
Дар натиҷаи гузаронидани чорабиниҳои фаврию ҷустуҷӯии нақшавӣ дар ҳудуди шаҳри Конибодоми вилояти Суғд бо гумонбарӣ дар муомилоти ғайриқонунии маводи нашъаовар ду нафар зода ва истиқоматкунандагони шаҳри Конибодом, ки синнашон 35 ва 37 аст, дастгир шуданд. Дар вақти дастгиршавӣ аз онҳо 8 адад баста бо маводи фишурдашудаи рангаш ҷигарии бӯйи махсус дошта ёфт ва мусодира шуд. Ташхис нишон дод, ки маводи мусодирашуда навъи ҳашиш буда, вазнаш қариб 7 кг аст. Ба дастгиршудагон бо моддаи 200. қ. 4 Кодекси ҷиноятии ҶТ -муомилоти ғариқонунии маводи нашъаовар айб эълон карда шуд.
Мақсади асосии нашъаҷаллобон -интиқоли маводи нашъадор аз тариқи қочоқ аз ҳудуди вилоят ба Қирғизистон ва баъдан ба Русия буд.
Имрӯз дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
