Шароити хуб- омили хизмати намунавӣ

Душанбе, 20.02.2014. (АМИТ «Ховар», Лайло Тоирӣ).- Ҳафтаи равон дар қисми ҳарбии 41008-и Қувваҳои ҳарбӣ-ҳавоӣ ва мудофиаи зиддиҳавоии Вазорати мудофиа бо иштироки масъулини Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, собиқадорони Қувваҳои Мусаллаҳ ва ҷанговарони башардӯст бо афсарону сарбозон вохӯрӣ доир гардид.
Мақсад аз вохӯрӣ таҷлили Рӯзи артиши миллӣ буда, дар он масъулин доир ба ҷараёни хизмати ҳатмии ҳарбӣ ва нақши артиш дар таъмини бехатарии аҳли ҷомеа сухан намуда, иброз доштанд, ки имрӯз барои ҳар як хизматчии ҳарбӣ дар сафи Қувваҳои мусаллаҳи кишвар шароитҳои зарурӣ муҳайё гардидаанд ва ин имкон медиҳад ҳар як афсару сарбоз хизмати хубу намунавӣ дошта бошад.