Таҳияи Консепсияи ҷашни 90-солагии Душанбе

Душанбе, 11.02.2014.(АМИТ “Ховар”, Марзия Саидова).- Масъалаи омодагӣ ҷиҳати истиқболи сазовори ҷашни байналмилалии Наврӯзи соли 2014 ва 90-солагии шаҳри Душанбе ҳамчун пойтахти Ҷумҳурии Тоҷикистон дар меҳвари ҷаласаи корӣ, ки таҳти раёсати Маҳмадсаид Убайдулллоев -раиси шаҳри Душанбе баргузор шуд, қарор дошт. Раиси шаҳр ба муовини соҳавӣ Руқия Қурбонова дастур дод, ки то 1 марти соли равон Консепсияи мушаххаси ҷашни 90-солагии шаҳри Душанберо бо инобати истифодаи зарфиятҳои аҳли ҷамоати пойтахт таҳия намуда, барои тасдиқ ба унвонии шаҳрдор ироа созад.