Ҳашари баҳорӣ дар ВКД

Душанбе, 03.03.2014. (АМИТ «Ховар», Муқаддас  Темурзода).-Ҳамасола дар оғози фасли баҳор корҳои ободонӣ ва кабудизоркунӣ дар кишвар ҷараён мегиранд. Ин иқдомро роҳбарияти Вазорати корҳои дохилӣ низ пеша намуда, дар мақомоти корҳои дохилӣ ва ҷузъу томҳои он барои кабудизоркунӣ ва тозаю озода намудани  атроф шанбегӣ гузаронида, дар ободонию боз ҳам зебо гардонидани минтақаҳои хизматӣ саҳм мегузоранд. 1-уми марти соли ҷорӣ  дар Вазорати корҳои дохилӣ шанбегӣ доир гардид, ки дар он тамоми кормандони мақомот якдилона ва сарҷамъона ба ҳашар баромада, ба дарахтшинонию кабудизоркунӣ машғул шуданд.
Дар ин бора ба АМИТ «Ховар» аз маркази матбуоти Вазорати корҳои дохилии ҶТ иттилоъ доданд.