Оқибатҳои ногувори сӯйистеъмоли маводи нашъадор

Душанбе, 19.03.2014. (АМИТ «Ховар», Мавҷуда Анварӣ). — Кормандони Агентии назорати маводи нашъаовари назди Президенти ҶТ 18 март дар мактаби миёнаи таҳсилоти ҳамагонаи №50 ноҳияи Сино бо хонандагони синфи 11 дар мавзӯи пешгирии нашъамандӣ,  мубориза бар зидди паҳншавии бемориҳои сироятии ҷинсӣ-венерикӣ, ВНМБ/АНМБ (ВИЧ/СПИД), инчунин оқибатҳои ҳуқуқию иҷтимоӣ ва тиббии сӯйистеъмоли маводи нашъадор вохӯрӣ гузарониданд.
Дар он муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, ёрдамчии калони Прокурори шаҳри Душанбе, намояндаи шуъбаи маорифи ноҳияи Сино ва мудири бахши ҷавонон, варзиш ва сайёҳии ноҳияи Синои шаҳри Душанбе, шахсони дигари масъул иштирок намуданд.