Қурби доллари ИМА боз паст шуд

Душанбе, 4.04.2014. (АМИТ «Ховар», Лайло Тоирӣ).- Дар давоми ҳафтаи ҷорӣ дар нуқтаҳои мубодилаи асъори ҷумҳурӣ қурби доллари ИМА каме паст шуда, ба ҳисоби миёна 4,9780-4,9910 сомониро ташкил намуд. Қурбҳои миёнаи амалиёт бо рубли русӣ ва евро дар ин давра каме баланд гардида, 0,1388-0,1398 сомонӣ ба як рубли русӣ ва 6,7950-6,8170 сомонӣ ба як евро баробар шуданд. Бино ба иттилои хадамоти матбуоти Бонки миллии Тоҷикистон, 3 апрел қурби миёнаи доллари ИМА дар нуқтаҳои мубодилаи асъори шаҳрҳои Душанбе 4,9790-4,9980 сомонӣ, Хуҷанд 4,9800-4,9900 сомонӣ ва Қурғонтеппа 4,9800-4,9900 сомониро ташкил дод.