Муҳоҷирон аз тариқи мошин сафар мекунанд

Душанбе,2.06.2014. (АМИТ «Ховар», Лайло Тоирӣ).- Дар давоми моҳи май аз ҷониби субъектҳои хоҷагидори вилояти Суғд ба таври муташаккилона ба муҳоҷирати меҳнатӣ сафарбар намудани шаҳрвандон авҷи тоза пайдо кард.Бино ба иттилои Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд 27 майи соли равон 100 нафар муҳоҷири меҳнатӣ ба шаҳрҳои Тюмен, Сургут ва Красноярск гусел шуд.ҶДММ «Иттиҳодияи Автовокзалҳо» 14 нафар сокини шаҳру ноҳияҳои Истаравшан, Б. Ғафуров ва Зафарободро ба шаҳри Красноярск, ҶДММ «Суғдиён-Помир Тур» 53 нафар сокини шаҳри Хуҷанд, ноҳияҳои Б. Ғафуров, Мастчоҳ ва Айниро ба шаҳри Сургут ва ҶДММ «Сомонэкспрестранс» 28 нафар сокинони ҳамин шаҳру ноҳияҳоро ба шаҳри Тюмен гусел намуд.Зимни суҳбат бо муҳоҷирони меҳнатӣ маълум шуд, ки онҳо барои фаъолияти меҳнатӣ ба муҳлати 1 сол ба Федератсияи Русия аз тариқи мошин, ки барояшон арзон ва дастрас мебошад, сафар мекунанд.