Таҷлили Рӯзи кӯдакон дар Суғд

Душанбе, 02.06.2014. (АМИТ «Ховар», Мавҷуда Анварӣ). —  Дар боғи фарҳангӣ — фароғатии «Наврӯзгоҳ»-и шаҳри Хуҷанд бахшида ба Рӯзи байналмилалии ҳифзи кӯдакон чорабинии идона баргузор гардид.
Аз даромадгоҳ кӯдакону меҳмонони чорабиниро қаҳрамонҳои афсонаҳо, афсунгарон ва ширинкорон пешвоз гирифтанд.
Кӯдакону наврасони эҷодкору ихтироъкор аз муассисаҳои таълимӣ, фарҳангӣ, ҳунарӣ ва касбомӯзӣ ба меҳмонон маҳсули эҷодиёту маҳорат ва ихтирооти худро ба тамошо гузоштанд.
Раиси вилояти Суғд Абдураҳмон Қодирӣ  аз растаҳои намоиши маҳсули дасти кӯдакону наврасон, китобу адабиёти бачагона дидан намуда, ба иштирокдорони намоиш туҳфаҳои хотиравӣ супорид.