Ҷаласа дар ҳузури Давлаталӣ Саид

 
Душанбе, 15.08.2014. (АМИТ «Ховар»). — Дар шаҳри Хуҷанд ҷаласаи Шӯрои нозирон оид ба масъалаҳои минтақаҳои озоди иқтисодӣ дар Ҷумҳурии Тоҷикистон баргузор гардид. Кори ҷаласаро Муовини якуми Сарвазири Ҷумҳурии Тоҷикистон Давлаталӣ Саид – Раиси Шӯрои нозирон оид ба масъалаҳои минтақаҳои озоди иқтисодӣ оғоз намуд.
Дар кори ҷаласа, қайд гардид, ки Шӯрои нозирон оид ба масъалаҳои минтақаҳои озоди иқтисодӣ фаъолияти худро бояд пурзур намуда, барои ҳаллу фасли мушкилотҳои минтақаҳои озоди иқтисодии кишвар чораҳои дахлдор андешад.
Инчунин дар кори ҷаласа мушкилоту монеаҳои рушди минбаъдаи минтақаҳои озоди иқтисодӣ бараси гардида таъкид гардид, ки мақсад аз таъсиси Шӯро ин ба беҳбуд бахшидани иктисодиёти кишвар равона гардидааст ва густариши робитаҳои савдоию истеҳсолӣ тавассути бозорҳо ва минтақаҳои озоди иқтисодии наздисарҳадӣ яке аз ҳадафҳои асосии Шӯрои нозирон ба ҳисоб меравад.
Дар рафти ин ҷаласа маълумоти масъулин дар бораи натиҷаҳои фаъолияти Минтақаҳои озоди иқтисодии «Суғд», «Панҷ», «Данғара» ва «Ишкошим» шунида шуд.