Ба даст афтодани паҳнкунандагони доруҳои дилхушкунанда

Душанбе, 18.08.2014. (АМИТ «Ховар», Мавҷуда Анварӣ).-  Кормандони Агентии назорати маводи нашъаовар ҳангоми гузаронидани амалиёти махсус фаъолияти гурӯҳи навбатии муташаккили ҷиноиро, ки бо интиқоли ғайриқонунии доруворие, ки дар таркибаш маводи нашъаовар дошт, қатъ намуданд.
Пас аз гузаронидани чорабиниҳои фаврӣ-ҷустуҷӯӣ ду нафар шаҳрванди Тоҷикистон боздошт ва ҳабс шуд, ки аз онҳо як ҳазору нӯҳсаду сӣ дона ҳабҳои сахттаъсири дар таркибаш маводи нашъаовар дошта мусодира шуд.
Зимни тафтишоти пешакӣ муайян гардид, ки боздоштшудагон маводи дорувориро дар марказҳои дилхушӣ, ҷойҳои ҷамъшавии ҷавонон паҳн мекардаанд. 
Доир ба ҳодисаи мазкур парвандаи ҷиноӣ оғоз шуда, 
корҳои фаврӣ-ҷустуҷӯӣ доир ба дастгир намудани аъзои дигари гурӯҳи ҷиноӣ идома доранд.