Баргардонидани ҷавонон аз таълимгоҳҳои ғайрирасмии хориҷӣ
Душанбе, 7.08.2014. (АМИТ «Ховар», Ситораи Боймурод).-Дирӯз раиси Кумитаи оид ба корҳои дин, танзими анъана ва ҷашну маросимҳои миллии Ҷумҳурии Тоҷикистон Абдураҳим Холиқзода бо намояндагони шаҳру навоҳии Чкалов, Қайроққум ва ноҳияи Бобоҷон Ғафуров мулоқот намуд.Тавре ки дар ин бора хадамоти матбуоти раиси вилояти Суғд хабар додааст, дар мулоқот перомуни мавзӯъҳои пешгирии ҷиноятҳо, гаравидани наврасону ҷавонон ба ҷараёну равияҳои экстремистӣ, баргардонидани ҷавонон аз таълимгоҳҳои ғайрирасмии хориҷи кишвар ва иштироки занон дар намози таровеҳ ва ид ибрози назар карда шуд.Маврид ба таъкид аст, ки дар чорабинӣ мудири шӯъба оид ба корҳои дин, танзими анъана ва ҷашну маросимҳои миллии Дастгоҳи иҷроияи Президенти Ҷумҳурии Тоҷикистон Одинашоҳ Вализода ва раиси Шӯрои уламои дини вилояти Суғд Ҳоҷӣ Ҳусайн Мӯсозода иштирок ва суханронӣ намуданд.Ёдовар мешавем, ки дар мулоқот кормандони ҳифзи ҳуқуқ, фаъолон, мудирону сармутахассисони бахш оид ба корҳои дини ҷамоатҳои шаҳрак ва деҳот, сархатиб ва имомхатибони масҷидҳои ҷомеъ, ходимони дин ва падару модарони донишҷӯёни дар хориҷа таҳсилкунанда ва дигар шахсони масъул аз шаҳру ноҳияҳои Бобоҷон Ғафуров, Қайроққум ва Чкалов, дар маҷмӯъ ҳудуди 500 нафар ширкат доштанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
