Боздошти донишҷӯ бо маводи нашъадор
Душанбе, 22.08.2014. (АМИТ «Ховар», Муқаддас Темурзода). -Дирӯз зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокини 24-солаи пойтахт Даврони Бароталӣ, донишҷӯи яке аз муассисаҳои олии таълимии кишвар бо гумони ғайриқонунӣ нигоҳ доштани маводи нашъадор дастгир гардид.
ВКД ҶТ хабар медиҳад, ки дар вақти кофтукови шахсӣ аз ў 844 грамм маводи нашъадори афюн дарёфт ва мусодира шуд.
Нисбат ба далели мазкур парвандаи ҷиноӣ оғоз гардида, тафтиш идома дорад.
Тибқи иттилои ВКД ҶТ, дар шаш моҳи соли ҷорӣ аз ҷониби кормандони ҳифзи ҳуқуқ ва сохторҳои қудратӣ зиёда аз 3 тонна маводи мухаддир мусодира шудааст.