М. Ҳабибуллоев сармураббии “Далерон- Ӯротеппа”
Душанбе, 4.08.2014. (АМИТ «Ховар», Ситораи Боймурод).- Маҳмадҷон Ҳабибуллоев, мураббии маъруфи тоҷик, ба вазифаи сармураббии дастаи «Далерон -Ӯротеппа»-и Истаравшан таъйин шудааст. Тавре ки дар ин бора сомонаи ФФТ хабар додааст, мутахассиси 49-солаи тоҷик Маҳмадҷон Ҳабибуллоев, ки таҳти раҳбарии ӯ дастаи «Регар-ТадАЗ»-и Турсунзода ҳафт бор қаҳрамони Тоҷикистон ва се бор барандаи Ҷоми раиси АФК гардидааст, сармураббии тими нави лигаи олии футболи Тоҷикистон — «Далерон — Ӯротеппа»-и Истаравшан таъйин гардидааст.Ба иттилои манбаъ, Ҳабибуллоев аз соли 2001 то июни соли 2013 сармураббии «Регар-ТадАЗ» буд. Вале баъди анҷоми давраи аввали мусобиқаи қаҳрамонии Тоҷикистон-2013 ба иллати беморӣ аз вазифааш даст кашид. Баъдан ӯ сармураббии дастаи мунтахаби ҷавонони Тоҷикистон (U-21) буд ва дар ин вазифа ҳамагӣ чаҳор моҳ кор кардааст. Пас аз нокомии мунтахаби ҷавонони кишвар дар Ҷоми Иттиҳод-2014 дар Санкт-Петербург ӯ аз вазифааш барканор шуд.Маҳмадҷон Ҳабибуллоев, ки ба вазифаи наваш рӯзи панҷшанбе, 31-уми июли соли равон шурӯъ кардааст, «Далерон — Ӯротеппа»-ро ба давраи дуюми мусобиқаи қаҳрамонии кишвар омода месозад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
