Мошиндузд дастгир шуд

Душанбе, 16.08.2014. (АМИТ «Ховар»).-14-уми августи соли ҷорӣ аз ҷониби кормандони ВКД Ҷумҳурии Тоҷикистон дар натиҷаи гузаронидани чорабиниҳои фаврӣ-ҷустуҷӯӣ шаҳрванд Бахтиёр Ҷалилов, соли таваллудаш 1985, истиқоматкунандаи шаҳри Душанбе бо гумони даст доштан дар ҷинояти дуздӣ дастгир шуд. Муайян гардид, ки дастгиршуда шаби 28 ба 29-уми июли соли ҷорӣ аз назди хонаи истиқоматӣ бо тариқи пинҳонӣ, мошини тамғаи “ДЭУ-Лассети”, рақами давлатиаш 82-88 АТ 01-ро, ки ба шаҳрванд Фирӯза Сайфиддинова, соли таваллудаш 1983, истиқоматкунандаи шаҳри Душанбе тааллуқ дорад, дуздида аз ҷойи ҳодиса ғайб задааст. Нисбат ба далели мазкур парвандаи ҷиноятӣ оғоз гардида, тафтишот идома дорад.