Президент бо соҳибкорону сармоягузорон мулоқот менамояд
Душанбе, 28.08.2014.(АМИТ «Ховар», Марзия Саидзода).- Президенти Ҷумҳурии Тоҷикистон Эмомалӣ Раҳмон дар нимаи аввали моҳи октябр дар Душанбе бо соҳибкорон ва сармоягузорони ватанию бурунмарзӣ мулоқот менамояд. Дар доираи ин мулоқот моҳи октбяри соли равон дар Душанбе нахустин Форуми иқтисодӣ ва сармоягузории Душанбе-2014 таҳти унвони «Соҳибкори муҳаррики иқтисодиёт» баргузор мегардад.
Форуми мазкур тибқи супориши Сарвари давлат, ки дар ҷаласаи 13-уми Шӯрои машваратии назди Президенти Ҷумҳурии Тоҷикистон оид ба беҳтар кардани фазои сармоягузорӣ 30 май садо дода буд, гузаронида мешавад.
Аз котиботи Шӯрои машваратии назди Президенти ҷумҳурӣ ба АМИТ «Ховар» иттилоъ доданд, ки ҳадаф аз баргузории нахустин Форуми иқтисодию сармоягузорӣ рушду тавсеаи соҳибкорӣ, сармоягузорӣ дар бахшҳои афзалиятноки иқтисодиёт, ҷалби бештари сармоягузорӣ ба иқтисоди кишвар ва беҳтар намудани фазои сармоягузорӣ ва соҳибкорӣ дар ҷумҳурӣ мебошад.
Дар мулоқот ва Форум роҳбарону намояндагони вазорату идораҳои марбутаи кишвар, сармоягузорон ва соҳибкорони ватанию бурунмарзӣ, роҳбарону намояндагони созмонҳои байналмилалию молиявӣ иштирок хоҳанд кард.
Соҳибкорон ва сармоягузорон метавонанд пешниҳодоти худро вобаста ба рушди соҳибкорӣ ва проблеамву монеаҳои он, тариқи сомонаи www.gki.tj ва www.investmentcouncil.tj пешниҳод намоянд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
