«Нақлиёт» муҳоҷиронро ба Русия мебарад
Душанбе, 04.09.2014. (АМИТ “Ховар”, Фарзонаи Давлат).- Ҷамъияти саҳомии кушодаи «Нақлиёт», ки дар шаҳри Хуҷанди вилояти Суғд фаъолият мебарад, рӯзҳои наздик муҳоҷирони меҳнатии навбатиро ба Федератсияи Русия сафарбар менамояд.
Тавре ки дар ин бора аз Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд, дирӯз 4 нафар муҳоҷирони меҳнатӣ аз ноҳияи Ҷаббор Расулови вилояти Суғд аз тариқи тайёра ба шаҳри Санкт-Петербург парвоз карданд.
Ба иттилои манбаъ, дар асоси шартнома муҳоҷирони меҳнатӣ як сол дар корхонаи ҷамъияти саҳомии пӯшидаи «Победа»-и ноҳияи Ломоносови вилояти Ленинград фаъолияти меҳнатӣ менамоянд. Аз ҷониби кормандони Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд бо муҳоҷирони меҳнатӣ оид ба қонуни Федералӣ «Оид ба тартиби воридшавӣ ба Федератсияи Русия ва баромадан аз Федератсияи Русия» суҳбат гузаронида шудааст.
Гуфта мешавад, ки ҷиҳати гирифтани кумаки тиббӣ, иҷтимоиву равонӣ, ҳамчунин имконоти маърифатӣ барои муҳоҷирон ва аҳли оилаи онҳо машварат гузаронида шудааст.
Ҳамзамон мутобиқи ин тағйирот аз 1 январи соли 2014, тартиби нави муҳлати будубоши муваққатии шаҳрвандони хориҷӣ дар ҳудуди Федератсияи Русия, ки бе раводид ворид шудаанд, амалӣ гардид.
Тибқи шартнома муҳоҷирони меҳнатӣ дар соҳаи кишоварзӣ фаъолият менамоянд ва сари вақт маошашонро мегиранд, ки барои баланд бардоштани сатҳи зиндагии оилаҳои онҳо мусоидат менамояд.
Муҳоҷирони меҳнатиро корманди ҶСК «Нақлиёт» роҳбаладӣ менамояд.
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
Дар Коллеҷи омӯзгорӣ ва рақамикунонии шаҳри Бохтар Озмуни ҷумҳуриявии «Илм — фурӯғи маърифат» баргузор шуд
