Ҷаласа аз рӯи масоили амният
Душанбе, 16.10.2014. (АМИТ «Ховар»). – Аз 16 то 17 октябр дар шаҳри Санкт – Петербург ҷаласаи комиссияи доимии Ассамблеяи байнипарлумонии давлатҳои узви Иттиҳоди Давлатҳои Мустақил аз рӯи масоили мудофиа ва амният баргузор мегардад.
Тавре ки парлумони кишвар хабар медиҳад, дар кори ҷаласа вакилони парлумон – аъзои Ассамблеяи байнипарлумонии ИДМ, муаллифони лоиҳаҳои ҳуҷҷатҳо ва коршиносон иштирок менамоянд. Парлумони Тоҷикистонро дар ҷаласа раиси кумитаи Маҷлиси намояндагон оид ба мудофиа ва амният Амирқул Азимов намояндагӣ мекунад.
Дар ҷараёни кори комиссия масоили тарҳрезии лоиҳаҳои қонун «Дар бораи муқовимат ба пулшӯӣ, маблағгузории терроризм ва паҳн кардани аслиҳаи қатли ом», лоиҳаи стратегияи таъмини амнияти иттилоотии давлатҳои аъзои ИДМ муҳокима мешавад.
Ғайр аз ин муҳокимаи лоиҳаҳои марбут ба шарҳи қонун «Дар бораи амнияти сарҳадот» қонунҳои намунавӣ «Дар бораи тарбияи ватандӯстӣ» ва «Дар бораи абадӣ гардонидани хотираи ҳалокшудагон ҳангоми муҳофизати Ватан», тавсияҳо перомуни такмили қонуни давлатҳои узви ИДМ дар бахши муқобилат ба терроризми технологӣ ва тавсияҳо барои кормандони мақомоти салоҳиятдор ҷиҳати муқовимат ба гардиши ғайриқонунии маводи мухаддири давлатҳои аъзои ИДМ дар назар аст.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
