«Дастовардҳои иқтисодии Афғонистон»:намоишгоҳ
Душанбе, 07.10.2014.(АМИТ «Ховар», Марзия Саидзода).- «Рушди иқтисодии Афғонистон» — интизор меравад, ки таҳти чунин унвон моҳи ноябри соли равон дар Душанбе намоишгоҳи байналмилалии иқтисодии Афғонистон созмон дода шавад. Масъалаи мазкур дар ҷараёни мулоқоти Шариф Саид- раиси Палатаи савдо ва саноати Тоҷикистон бо Абдулқодир Баҳман –ноиби мудири кулли Палатаи савдо ва саноати Афғонистон дар Душанбе матраҳ гардид.
Мавриди зикр аст, ки Афғонистон бо Тоҷикистон кишвари ҳамҷавор буда, дар соли 2013 гардиши мол байни ду давлат 174 миллион $ -ро ташкил дод, ки аз он 101 миллион $ содирот ва 73 миллион $ воридот мебошад. Дар таҳкими ҳамкориҳои иқтисодии ду кишвари ҳамсоя Комиссияи байниҳукуматӣ оид ба ҳамкориҳои иқтисодию тиҷоратӣ ва техникӣ нақши муҳим мебозад. Бо барқарор гардидани муносибатҳои дипломатӣ байни Тоҷикистону Афғонистон дар минтақаҳои наздисарҳадии Ишкошим, Дарвоз, Панҷ, Ванҷ ва Хоруғ 5 пул бунёд карда шудааст, ки сохтмони ин иншоотҳои муҳим дар таҳкими ҳамкориҳои иқтисодию тиҷоратӣ, хусусан гардиши мол байни Тоҷикистону Афғонистон саҳми босазо мегузоранд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
