Маҷлиси тантанавӣ ба ифтихори 20-умин солгарди қабули Конститутсия
Душанбе, 5.11.2014.(АМИТ «Ховар», Марзия Саидзода).- Имрӯз дар Муҷтамаи давлатии «Кохи Борбад»-и пойтахт ба ифтихори 20-умин солгарди қабули Конститутсия (Сарқонун)-и Ҷумҳурии Тоҷикистон бо иштироки Президенти Ҷумҳурии Тоҷикистон Эмомалӣ Раҳмон маҷлиси тантанавӣ баргузор мегардад. Интизор меравад, ки Сарвари давлати Тоҷикистон дар назди ҳозирин роҷеъ ба аҳамияти таърихии Конститутсия (Сарқонун)-и Ҷумҳурии Тоҷикистон ва нақши ин санади муҳиму сарнавишсоз дар таҳкими пояҳои давлатдории муосири тоҷикон маърӯза намояд. Ба маҷлиси тантанавӣ аъзои Ҳукумати Ҷумҳурии Тоҷикистон, Парлумон ва роҳбарону намояндагони вазорату идораҳои кишвар даъват гардидаанд. Бояд тазаккур дод, ки 20 сол муқаддам -6 ноябри соли 1994 мардуми Тоҷикистон тавассути раъйпурсии умумихалқӣ Қонуни асосии кишвар -Конститутсияро қабул намуданд. Конуни асосии кишвар -Конститутсия аз даҳ боб ва сад модда иборат буда, дар он инсон арзиши олӣ эътироф шудааст. Бо назардошти рушди равандҳои ҷомеа ду маротиба- солҳои 1999 ва 2003 тавассути раъйпурсии умумихалқӣ ба Сарқонуни кишвар тағйиру иловаҳо ворид шуданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
