Муҳокимаи масоили инкишофи барвақтаи кӯдак

Душанбе, 12.11.2014. (АМИТ «Ховар», Раъно Нусратуллозода).- Аз 10 то 15 ноябр дар шаҳри Душанбе машқҳои омӯзишӣ аз рӯи масоили инкишофи барвақтаи кӯдакони синнашон то 3 — сола идома меёбад.Тавре ки аз Академияи таҳсилоти Тоҷикистон хабар доданд, мушовири байналмилалии Ҳиндустон Уша Рамакриштан ба машқҳои омӯзишӣ даъват шудааст. Президенти Академияи таҳсилоти Тоҷикистон Ирина Каримова зимни суханрониаш зикр намуд, ки дар ин синну сол тарбияи кӯдак ба андозаи зиёд ба дӯши волидайн гузошта мешавад, бинобар ин мо бояд барномаеро тарҳрезӣ намоем, ки ба талаботи волидайн ва шавқу ҳаваси кӯдакон мувофиқ бошад.