Мусодираи ашёҳои ҷангӣ

Душанбе, 11. 11. 2014. (АМИТ «Ховар», Муқаддас Темурзода).-Ҳангоми гузаронидани чораҳои фаврӣ-ҷустуҷуӣ аз ҳавлии истиқоматии пешдастгиршуда Наҷмиддин Шамсиев, соли таваллудаш 1986, сокини ноҳияи Истаравшан, амири ҷабҳаи иттиҳоди ҷиноятии “Ҷамоати Ансоруллоҳ” дар шаҳрҳои Истаравшан ва Конибодом, 1 адад таппончаи тамғаи “Баёкал-442”, бе соли барориш, 2 адад тирдон бо 24 дона тир, 1 адад таппончаи тамғаи “Макаров”, бе соли барориш, 2 адад тирдон бо 61 дона тир, 1 адад садохомӯшкунак дарёфт ва мусодира гардид. Нисбат ба далели мазкур парвандаи ҷиноятӣ оғоз шуда, тафтиш идома дорад.