Омоданамоии Барномаи нави СММ дар Тоҷикистон

Душанбе, 12.11.2014. (АМИТ «Ховар», Лайло Тоирӣ).-10-11 ноябри соли 2014 дар шаҳри Душанбе семинар дар мавзӯи “Муайян намудани натиҷаҳои стратегӣ барои омода намудани Барномаи нави СММ дар Тоҷикистон” баргузор гардид, ки дар он муовини директори Агентии назорати маводи нашъаовари назди Президенти Ҷумҳурии Тоҷикистон Ҳалим Маҳмудзода гуфт, ки: «…дар моҳи октябри соли 1999 дар байни Ҳукумати Ҷумҳурии Тоҷикистон ва Раёсати СММ оид ба маводи нашъаовар ва ҷинояткорӣ Лоиҳаи AD/TAJ/99/D65 «Ташаккули институтсионӣ, коркарди стратегия ва такмил додани чораҳо оид ба назорати маводи нашъаовар ва мубориза бо ҷинояткорӣ дар Тоҷикистон», ки он бомуваффақият ба анҷом расонида шуд. Ба шарофати расонидани ёрии амалӣ дар доираи лоиҳаи мазкур имрӯз Агентии назорати маводи нашъаовари назди Президенти Ҷумҳурии Тоҷикистон ба яке аз мақомоти босалоҳият ва самараноки ҳифзи ҳуқуқи мамлакат табдил ёфтааст, ки дар арсаи байналмилалӣ пурра эътироф шудааст».Ба Намояндагии СММ дар Тоҷикистон дар таҳияи Барномаи нав оид ба масъалаи расонидани кумак дар амалисозии минбаъдаи «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020» пешниҳод шуд.Дар кори семинар ҳамоҳангсози доимии СММ дар Тоҷикистон Александр Зуев, мувоини вазири рушди иқтисодиёт ва савдои ҶТ Умед Давлатзода, инчунин намояндаҳои дигари СММ ва ВАО иштирок намуданд.Дар ин бора ба АМИТ «Ховар» аз хадамоти матбуоти агентӣ хабар доданд.