Зиёда аз 227 кг маводи нашъаоварро сӯзониданд

Душанбе, 10.11.2014 (АМИТ «Ховар», Мавҷуда Анварӣ).- Имрӯз дар Агентии назорати маводи нашъаовар бо тартиби дар қонунгузорӣ муайяншуда дар ҳузури комиссия аз ҳисоби намояндагони мақомоти ҳифзи ҳуқуқ ва судӣ, инчунин шабакаҳои телевизионии ватанию хориҷӣ маводи нашъаовар аз рӯи 37 парвандаи ҷиноие, ки нисбат ба онҳо мақомоти судӣ ҳукм баровардааст, сӯзонида шуд. Дар оташдони махсуси агентӣ 227 кг 698 грамм маводи нашъаовар, аз ҷумла 11 кг 726 героин, 84 кг 349 грамм афюн, 107 кг 459 грамм ҳашиш ва 24 кг 164 грамм маводи нашъаовари гурӯҳи бангдона нест карда шуд.