Ҷамъоварии маълумоти биометрии муҳоҷирон дар Русия
Душанбе, 11.12.2014. (АМИТ «Ховар», Лайло Тоирӣ).- Бо ибтикори корманди намояндагии Вазорати муҳоҷират ва шуғли аҳолии ҶТ дар ФР оид ба муҳоҷират Муҳамадӣ Давлатов дар шаҳри Хабаровск гурӯҳи зудамали Консулгарии генералии Тоҷикистон дар шаҳри Екатеринбург маъракаи ҷамъоварии маълумоти биометрии шаҳрвандонро ташкил намуд, ки мақсад аз он ба муҳоҷирон додани шиносномаҳои хориҷӣ мебошад. Дар ин бора котиби матбуоти намояндагии Хадамоти муҳоҷирати ҶТ дар ФР Иброҳим Аҳмадов ба АМИТ «Ховар» хабар дод.Назар ба гуфтаи Иброҳим Аҳмадов, кормандони консулгарӣ дар шаҳри Благовешенски вилояти Амур аз 48 нафар шаҳрвандони Тоҷикистон барои гирифтани шиносномаҳои биометрӣ маълумоти зарурӣ ба даст оварданд. — Шароити мусоиди техникӣ имкон дод, ки дар давоми як рӯз барои дастрас шудани шиносномаҳои биометрӣ аз 400 нафар шаҳрвандон маълумоти зарурӣ ҷамъ оварда шавад, — гуфт роҳбари хадамоти консулии сафорати ҶТ дар Маскав Ашраф Гулов. Ба гуфтаи Ашраф Гулов, шаҳрвандони кишвари мо метавонанд дар консулгарии генералии Тоҷикистон воқеъ дар шаҳри Уфа низ шиносномаҳои хориҷӣ ба даст оранд. Алҳол дар шаҳри Краснодар ду нафар кормандони ВКХ ҶТ барои додани шиносномаҳои хориҷӣ фаъолият доранд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
