Баррасии мутобиқшавии иҷтимоию фарҳангии муҳоҷирон
Душанбе, 16.12.2014. (АМИТ «Ховар», Лайло Тоирӣ). -Бо ташаббуси раёсати минтақавии маънавӣ ва маъмурии вилояти Самара дар шаҳри Самара форуми «Давлат, ҷамъият, дин: масоили мутобиқшавии муҳоҷирони ИДМ дар вилояти Самара» баргузор гардид.
Тавре аз намояндагии Хадамоти муҳоҷирати Чумҳурии Тоҷикистон дар Федератсия Русия иттилоъ доданд, дар кори форум намояндагони хадамоти муҳоҷират, намояндагии вазорати меҳнат, муҳоҷират ва шуғли аҳолии ЧТ дар ФР оид ба муҳоҷират, мақомоти ҳифзи ҳуқуқ , аҳли дин ва созмонҳои ҷамъиятӣ иштирок намуданд.
Иштирокчиёни форум масоили муҳими мутобиқшавии иҷтимоию фарҳангии муҳоҷирон аз кишварҳои иттиҳод дар вилояти Самараро баррасӣ намуданд.
Зикр гардид, ки яке аз омилҳои муҳими мутобиқшавии иҷтимоию фарҳангии муҳоҷирон дар ҷомеа донистани забон ,анъанаҳои маҳаллӣ ва урфу одатҳои ҷонибҳои пазиранда мебошад. «Барои ин ҳамкории зич ва ҳамкории мақомотҳои давлатӣ , ҷамъиятӣ ва аҳли дин зарур аст»,- қайд намуданд иштирокчиёни чорабинӣ.