Демократҳо ҳам номзадҳояшонро пешбарӣ карданд

      Душанбе, 22.12.2014.(АМИТ «Ховар», Марзия Саидзода).-Дар анҷумани 13-уми Ҳизби демократи Тоҷикистон  чор нафар ҳамчун  номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи умумиҷумҳуриявӣ пешбарӣ гардид, ки инҳо Саидҷаъфар Исмонов-раиси ҳизб, Маҳмудҷон Холов, Таваралӣ Зиёев ва Аҳмадшоҳ Комилзода мебошанд.
    Бояд тазаккур дод, ки алҳол ҳизби демократи Тоҷикистон дар сафи худ 4980 аъзо дошта, дар Парлумони кишвар намоянда надорад. 
    То кунун аз ҳашт ҳизби сиёсии кишвар шаш тоаш анҷуманҳои пешазинтихоботии худро баргузор намуда, номзадҳои худро ба вакилии Маҷлиси намояндагони Маҷлиси Олии Ҷумҳурии Тоҷикистон  пешбарӣ намуданд. 
      Мавриди зикр аст, ки 1 марти соли 2015 дар Ҷумҳурии Тоҷикистон интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон, маҷлисҳои маҳаллии вакилони халқ баргузор мегардад.