Иқдомҳои «Тоҷикстандарт» ҷиҳати боло бурдани сифат
Душанбе, 5.12.2014. (АМИТ «Ховар», Бекназари Абӯбакр). — Имрӯз дар Агентии стандартизатсия, метрология, сертификатсия ва нозироти савдо («Тоҷикстандарт») ҷаласаи навбатии Шӯрои ҷамъиятӣ-машваратӣ оид стандартонӣ ва баҳодиҳии мутобиқат доир гардид.
Аз Агентии «Тоҷикстандарт» ба АМИТ «Ховар» иттилоъ доданд, ки дар ҷаласаи Шӯро масоили ҷорӣ намудан ва сертификатсияи низоми бехатарии маҳсулоти хӯрокворӣ дар корхонаҳои ҷумҳурӣ тибқи талаботи стандарти байналмилалии ISO 22 000, иштироки корхонаҳои ватанӣ дар озмун барои дарёфти ҷоизаи ИДМ оид ба дастовардҳо дар соҳаи сифати маҳсулот ва хизматрасонӣ ва амсоли инҳо муҳокимаву баррасӣ гардиданд.
Тазаккур додан ба маврид аст, ки татбиқи масъалаҳои мазкур ба боло рафтани сифати маҳсулоти ватанӣ, рақобатпазирии он ва дар ин замина афзудани иқтидори содиротии мамлакат мусоидат мекунад.
Мавриди ёдоварист, ки Шӯрои ҷамъиятӣ-машваратӣ оид стандартонӣ ва баҳодиҳии мутобиқат дар назди Агентии «Тоҷикстандарт» фаъолият намуда, аъзои онро олимону муттахассисони соҳа ва намояндагони идораву ташкилотҳои марбута ташкил медиҳанд. Ҷаласаи навбатии он бо мусоидати Ташкилоти байналмилалии GIZ доир гардид.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
