Кочоқчии афғон боздошт шуд
Душанбе, 16.12.2014. (АМИТ «Ховар», Лайло Тоирӣ). — Шаби 14 ба 15 декабри соли ҷорӣ кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон дар асоси хабари фаврӣ дар минтақаи сарҳадии ноҳияи Ҳамадонӣ кӯшиши қочоқи маводи нашъаоварро дар ҳаҷми махсусан калон пешгирӣ намуданд.Тавре ки аз хадамоти матбуоти агентӣ иттилоъ доданд, як гурӯҳи мусаллаҳи қочоқчиёни афғон сарҳади давлатиро ғайриқонунӣ убур намуда, ба қаламрави Тоҷикистон ворид гардиданд. Ҳангоми аз тарафи кормандони Раёсати агентӣ дастгир шудан, онҳо муқобилияти мусаллаҳ нишон доданд, ки дар натиҷа як нафар қочоқчии афғон дастгир гардид. Қочоқчиёни боқимонда аз торикии шаб истифода бурда, ба қаламрави Афғонистон фирор намуданд. Дар ҷои ҳодиса ду халта бо маводи нашъаовар ошкор гардид.Мутобиқи хулосаи экспертизаи судӣ маводи боздоштшуда ҳашиш буда, вазни он зиёда аз 23 килограммро ташкил менамояд.Ба иттилои хадамоти матбуоти агентӣ, нисбат ба ин ҳодиса аз рӯи моддаҳои 200 қ. 4, 289 қ.2 ва 335 қ. 2 парвандаи ҷиноӣ оғоз гардидааст.Боздоштшуда дар тавқифгоҳи нигоҳдории муваққатии Раёсати агентӣ қарор дорад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
