Муҳокимаи татбиқи Муоҳада дар бораи зӯроварӣ нисбат ба занон

Душанбе,  03.12.2014. (АМИТ «Ховар», Марҳабои  Азамат ).-  4  декабр  дар  шаҳри  Душанбе   нишасти  матбуотии  журналистони  дохилию  хориҷӣ, ки дар  бахши ҳуқуқҳои  занон  ва  хушунат  дар  хона   фаъолият  доранд, баргузор  мешавад. 
Сабаби   доир  намудани  нишасти  матбуотӣ муколамаи  пешорӯи Ҳукумати Ҷумҳурии  Тоҷикистон  ва созмонҳои  ҷамъиятии   кишвар  барои   татбиқи  Муоҳада дар  бораи  рафъи  ҳамаи  шаклҳои  поймолкунии  ҳуқуқи  занон  аст. Ин  чорабинӣ  аз  4  то  7  декабри  соли  равон  дар  шаҳри  Душанбе баргузор  мегардад. 
Дар  ин  бора раиси Созмони  ҷамъиятии «Занони  дорои   таҳсилоти  олии  Ҷумҳурии  Тоҷикистон» Гулҷаҳон  Бобосодиқова   ба  АМИТ  «Ховар»  хабар  дод.
Назар  ба  иттилои  манбаъ,   дар  чорабинии  зикршуда   намояндагони  сохторҳои  давлатӣ,  созмонҳои  ҷамъиятӣ,  коршиносони  дар  ин  бахш  фаъолиятдоштаи  ҷаҳон   иштирок  менамоянд.