Муколамаи ҳукуматҳо ва созмонҳои ҷамъиятӣ
Душанбе, 04.12.2014. (АМИТ «Ховар», Фарзона Достонзода).- Дар шаҳри Душанбе муколамаи ҳукуматҳо ва созмонҳои ҷамъиятӣ, ҳамчунин мулоқот аз рӯи масъалаи тарҳрезии стратегии созмонҳои ҷамъиятӣ дар мавзӯи «Иқдом барои татбиқи судманди Муоҳада дар бораи барҳам додани ҳамаи шаклҳои зӯроварӣ нисбат ба занон» ба кори худ шуруъ намуданд.
Назар ба хабари намояндаи СММ — занон дар Тоҷикистон, дар чорабиниҳои зикршуда намояндагони созмонҳои ҷамъиятии Тоҷикистону Қазоқистон, ташкилотҳои байналмилалӣ, созмонҳои мададгор ва агентиҳои СММ дар Тоҷикистон ширкат доранд.
Иштирокдорони муколама табодули таҷриба намуда, вазифаҳои ҳукумату созмонҳои ҷамъиятӣ дар амри татбиқи тавсияҳои хотимавии Муоҳада дар бораи аз байн бурдани зӯроварӣ нисбат ба занонро мавриди муҳокима қарор дода, нақшаи стратегии фаъолият барои беҳдошт ва иҷрои тавсияҳои хотимавии кумитаи Муоҳадаро тарҳрезӣ мекунанд.
Ҳукуматҳои Қазоқистону Тоҷикистон дар гузоришҳои пешорӯи таҳририашон аз рӯи тавсияҳои афзалиятноки Муоҳада ин чорабиниро дастгрӣ менамоянд.
Ёдовар мешавем, ки мӯҳлати пешниҳоди гузориши таҳририи Қазоқистон моҳи феврали соли 2016 ва Тоҷикистон моҳи октябри соли 2015 мебошад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
