Мусобиқа ба хотири ёдбуди Александр Кирсанов

Душанбе,  10.12.2014. (АМИТ «Ховар»).- 13  декабр  дар  шаҳри  Душанбе  мусобиқаи   навбатии  анъанавӣ  оид ба  футзал бахшида ба  хотираи  бозингари маъруфи дастаҳои  «Помир», «Вахш» ва «Ирригатор»  Александр  Кирсанов  оғоз  меёбад.
Тавре  ки аз  Федератсияи  футболи  Тоҷикистон  хабар  доданд,  мусобиқа   байни  кӯдакон ва  гурӯҳи  асосӣ баргузор шуда,  дар  он  футболбозони  касбӣ,  дастаҳои  ҳаваскор  ва собиқадорони  синнашон 35 – 45  ва  аз он калонтар   иштирок  менамоянд.
Ёдовар  мешавем, ки  солҳои гузашта   дар   мусобиқа  ба  хотири  ёдбуди  Кирсанов  чунин  ситораҳои  футболи  тоҷик,  аз  қабили  Владимир  Ғуломҳайдаров,  Мӯҳсин  Муҳаммадиев,  Арсен  Аваков, Игор Черевченко, Умед  Алидодов,  Алиёр  Ашӯрмамадов, Раҳматулло  Фузайлов,  Тоҳир  Мӯъминов,  Александр  Муканин  ва  бисёр  дигарон  иштирок  доштанд.