Назорати муомилоти маводи нашъаовар ва роҳҳои пешгирии он
Душанбе, 19.12.2014. (АМИТ «Ховар»).-Ҳайати Агентии назорати маводи нашъаовари назди Президенти ҶТ таҳти роҳбарии директори агентӣ генерал-лейтенанти милитсия Р. Назарзода 16 декабри соли ҷорӣ ба сафари хизматӣ ба шаҳрҳои Қазон, Маскав ва Санкт-Петербурги Федератсияи Русия раҳсипор шуд. Мақсади сафар — ташкили ҳамкорӣ оид ба бастани роҳи қочоқи маводи нашъаовар аз ҶТ ба ФР, мубодилаи иттилооти фаврӣ, коркарди муштараки гурӯҳҳои ҷиноятпеша, инчунин мубодилаи таҷриба ва гузаронидани корҳои пешгирикунанда мебошад.
Бояд гуфт, ки вохӯрии нахустин 16 декабр дар шаҳри Қазон баргузор гардид, ки дар он Р. Назарзода бо сардори Раёсати Хадамоти Федеролии Федератсияи Русия оид ба назорати муомилоти маводи нашъаовар дар Ҷумҳурии Тотористон, генерал-лейтенанти политсия Шабаев Фаяз Баянович, бо иштироки Котиби Шӯрои амнияти Ҷумҳурии Тотористон Шафигулин Айрат Радинович оид ба ҳамкории дуҷониба изҳори назар намуданд. Дар ин рӯз ҳайати агентӣ дар Қасри дӯстии халқҳои шаҳри Қазон бо намояндагони ҷомеаи тоҷикон дар Тотористон ва донишҷӯёне, ки дар мактабҳои олии Қазон таҳсил менамоянд, вохӯрӣ намуд.
18 декабр дар шаҳри Маскав вохӯрии директори агентӣ бо директори Хадамоти Федеролии Федератсияи Русия оид ба назорати муомилоти маводи нашъаовар, инчунин роҳбарони ҷузъу томҳои Хадамоти Федеролии Федератсияи Русия оид ба назорати муомилоти маводи нашъаовар дар шаҳру вилояти Маскав баргузор гардид.
19 декабр дар Сафорати Ҷумҳурии Тоҷикистон дар Федератсияи Русия вохӯрии ҳайати агентӣ бо намояндагони ҷомеаи тоҷикон, Шӯрои ҷамъиятӣ дар назди Сафорати Ҷумҳурии Тоҷикистон дар Федератсияи Русия ва донишҷӯёне, ки дар мактабҳои олии шаҳри Маскав таҳсил менамоянд, баргузор мешавад.








Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид






