Панҷакент: Рӯзи геологчиён таҷлил шуд

Панҷакент, 9.12.2014. (АМИТ «Ховар»,Гулбаҳори Худойбердӣ).-9 декабр ҳамасола рӯзи кормандони соҳаи геология таҷлил мегардад. Вобаста ба ин рӯз дар КВД «Экспедитсияи иктишофии геологии «Моғиён» дар шаҳри Панҷакент чорабинии идона доир шуд.
Дар чорабинӣ муовини раиси шаҳри Панҷакент Парвиз Шодиев табрикоти раиси вилояти Суғд ва раиси шаҳри Панҷакентро ба ҳозирин расонид. 
Баъдан роҳбари КВД «Экспедитсияи иктишофии геологии «Моғиён» дар шаҳри Панҷакент Абдусалом  Ғаффоров доир ба фаъолияти 11 моҳаи корхона ҳисобот дода, гуфт, ки дар 11 моҳи соли равон 960 000 сомонӣ маблағи буҷавӣ аз худ карда шуд, ки ин 186%-ро ташкил медиҳад. 
Дар чорабинӣ ба як гурӯҳ кормандон ва собиқадорони соҳа тухфаҳо ва ифтихорномаҳо супорида шуданд.