Сафари варзишгарони тоҷик ба Оренбург

Душанбе, 5.12.2014. (АМИТ “Ховар”, Ситораи Боймурод).- Варзишгарони тоҷик дар Ҷоми ҷаҳонии гӯштини камарбандӣ, ки  6-ум ва 7-уми декабри соли равон дар шаҳри Оренбурги Русия баргузор мегардад, ширкат меварзанд.
Тавре ки дар ин бора Кумитаи миллии олимпии кишвар хабар додааст, дар мусобиқа варзишгарони Австралия, Арманистон, Гурҷистон, Қазоқистон, Қирғизистон, Озарбойҷон, Тоҷикистон, Ӯзбекистан, Чин, Эстония барои ба даст овардани Ҷоми ҷаҳон мубориза мебаранд.
Гуфта мешавад, ки дар ин мусобиқа Тоҷикистонро 10 нафар беҳтарин паҳлавонони кишвар- Имомназар Каримзода, Ҳусниддин Тошмуродов ва дигарон намояндагӣ мекунанд. Рӯзи аввали мусобиқа — 6-уми декабр паҳлавонон аз рӯи намуди гӯштини қазоқии «курес” ва рӯзи дувум — 7-уми декабр — оид ба гӯштини камарбандӣ қувваозмоӣ мекунанд.