580 лоиҳаи сохтмонӣ аз ташхиси давлатӣ гузашт
Душанбе, 14.01.2015. (АМИТ “Ховар”, Манижа Баҳромзода).-Дар соли 2014 аз ҷониби Кумитаи меъморӣ ва сохтмони назди Ҳукумати Ҷумҳурии Тоҷикистон нисбат ба сифати корҳои сохтмонию васлкунии 64 шаҳру ноҳияи кишвар санҷиш гузаронида шуд, ки дар натиҷа ба миқдори 643 млн. 040 ҳазор сомонӣ ҷарима баста шуд. «Чунин иншоотҳо ё бо шабакаҳои муҳандисӣ пайваст нестанд, ё ба зилзила тобовар нестанд ва ё аз нуқтаи назари асосноккунӣ мустаҳкам нестанд»,-иброз дошт Абдувалӣ Комилзода-, раиси Кумитаи мазкур имрӯз, 14 январ зимни нишасти хабарӣ. Ба гуфтаи мавсуф дар соли сипаригашта зиёда аз 580 лоиҳа аз ташхиси давлатӣ гузаронида шуд, ки ба ин теъдод ҳам хонаҳои истиқоматӣ ва ҳам иншооти истеҳсолӣ дохил мешаванд.
Абдувалӣ Комилзода иттилоъ дод, ки баҳри беҳтар намудани сифати корҳои сохтмонӣ дар соли 2014 4 вохӯрии намояндагони кумита бо кормандони иншооти сохтмонӣ , аз ҷумла дар вилояти Хатлон, Суғд ва ВМКБ доир гардид. Феълан дар Ҷумҳурии Тоҷикистон сохтмони 1232 адад иншоот ба қайд гирифта шуда, 334 адад ҳуҷҷат аз ҷониби ташкилоту корхонаҳои сохтмонӣ барои гирифтани иҷозатнома ворид гаштааст.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
