676 ҳодисаи фавқулода дар Суғд

Хуҷанд, 12.01.2015. (АМИТ “Ховар”, Абдуаҳад Шарифзода).-Дар  давоми соли 2014 дар худуди вилояти Суғд 7 ҳодисаи фавкулодаи дорои хусусияти табиӣ  ва 669 ҳолати фавқулодаи  дорои хусусияти техногенӣ  ба кайд гирифта шуд, ки маблағи зарари умумии расонидашуда  5 млн. 879 ҳазору 272 сомониро ташкил дод.
Тавре ки ба АМИТ “Ховар” аз Ситоди ҳолатҳои фавқулодаи вилоят иттилоъ доданд, дар натиҷаи рух додани ҳодисаҳои фавкулодае, ки хусусияти табиӣ ва техногенӣ доранд, 122 нафар фавтид. Ғайр аз ин дар дарёву обанборҳо бо сабабҳои гуногун 31 нафар ғарқ  шуд.
Инчунин дар соли гузашта наҷотдиҳандагони ситод дар 48 амалиёти наҷотдиҳӣ, кофтукобӣ, пешгирӣ ва бартарафсозии оқибатҳои ҳолатҳои фавқулода иштирок намуданд. 
Барои пешрафти фаъолияти соҳа ва иҷрои корҳои наҷотдиҳӣ, бо дастгирии мақомоти вилоятӣ ба ситоди мазкур 1 мошини «садамавӣ-наҷотдиҳӣ»-и тамғаи “Газел” барои ичрои корхои начотдихӣ дар шароити кӯҳӣ, 1 адад мошини «УАЗ-Патриот, тамғаи — 4102 МРР» барои иҷро намудани корҳои кимиёвӣ ва радиатсионӣ, 1 адад қаиқи наҷотдиҳӣ,  таҷҳизоти алоқаи дохилӣ  ва барои ҳайати даста аз ҷониби ситоди вилоятӣ 13 ҷузъ либоси махсуси наҷотдиҳии зимистона харид шуд.