Асали Варзоб шифобахш аст

Варзоб, 13.01.2015. (А МИТ “Ховар”, Ҳотами Шариф).- Дараи Варзоб минтақаи истироҳатии замонавӣ буда,  барои тозагии оби дарё ва муҳити зист мунтазам аз ҷониби шуъбаи ҳифзи муҳити зист ва бахши санитарию эпидиологии ноҳия санҷишҳо гузаронида мешаванд. Дар давраи ҳисоботӣ шуъбаи мазкур нисбат ба 526 нафар шахси воқеӣ ва мансабдор, ки ба қонуншиканӣ роҳ  доданд, парвандаҳои маъмурӣ тартиб дода, ба маблағи 41 ҳазору 720 сомонӣ ҷаримабандӣ шуданд.
 Ин матлаб зимни нишасти хабарӣ, ки дар ноҳияи Варзоб бо ширкати раиси ноҳия Акбар Ятимзода ва дигар масъулини мақомоти иҷроия  доир гардид, ба саҳми хабарнигорон расонда шуд. Раиси ноҳия дар бораи натиҷаҳои рушди  иқтисодию иҷтимоии ноҳия маълумот дода афзуд, ки вобаста ба мавзеи ҷуғрофӣ,  парвариши занбӯри асал дар ҳудуди ноҳия ба 5 ҳазор оила расонида шуд.