Дар ДСРТ факултаи журналистика кушода хоҳад шуд

Душанбе,  14.01.2015. (АМИТ «Ховар»,  Фарзона  Достонзода).-  «Зарурати  дар  ояндаи  наздиктарин  кушодани  факултаи  журналистика ба  миён  омадааст,  зеро заминаи  илмию  назариявӣ ва  амалии  шуъбаи  журналистика  барои  ташкили  факултаи  мустақил ба  сатҳи  кофӣ   расидааст», — гуфт ноиби ректори Донишгоҳи  славянии  Русия  ва  Тоҷикистон  оид ба корҳои таълимӣ  Хусрав  Ҷамшедов  дар  нишасти  матбуотӣ, ки  14  январ баргузор  гардид. 
Қобили  зикр  аст, ки   бинобар   кифоят  накардани  муаллимони  фанҳои  мухталифи   мактабҳои  русзабони  кишвар  бо мувофиқаи  Вазорати маориф ва  илми   Федератсияи  Русия  ва   Вазорати  маориф  ва  илми Ҷумҳурии  Тоҷикистон   тибқи  фармони № 1114  аз 27 июли  соли  2014  тасмим  гирифта  шуд, ки  5  самти бакалавриат (физика,  кимиё, биология, риёзӣ ва  таҳсилоти омӯзгорӣ) ва  10  самти  магистратура  доир  карда шавад.