Истифодаи хонаҳо дар масоҳати 1,1 млн. м2
Душанбе, 14.01.2015. (АМИТ “Ховар”, Ситораи Боймурод).- Моҳҳои январ-декабри соли 2014 инвеститсияи сармояи асосӣ аз ҳисоби ҳамаи манбаъҳои сармоядиҳӣ ба маблағи 7 миллиарду 386 миллиону 387 ҳазор сомонӣ истифода шудааст, ки ин нисбат ба соли 2013 129,7 фоизро ташкил медиҳад, -гуфт Комилзода Абдувалӣ Ҳаким, раиси Кумитаи меъморӣ ва сохтмони назди Ҳукумати Ҷумҳурии Тоҷикистон имрӯз, 14 январ зимни нишасти матбуотӣ.
Ҳамчунин дар ин муддат дар масоҳати умумии 1 миллиону 111 ҳазору 605 метри мураббаъ хонаҳои истиқоматӣ ба истифода дода шуданд, ки нисбат ба соли гузашта 113,9 фоизро ташкил медиҳад.
Гуфта мешавад, ки моҳҳои январ-декабри соли 2014 фондҳои асосӣ ба маблағи 7 миллиарду 456 миллиону 819 ҳазор сомонӣ ба кор андохта шуда, иҷрои корҳои сохтмонию васлгарӣ 6 миллиарду 602 миллиону 97 ҳазор сомониро ташкил медиҳад.
Дар ин давра мактабҳои таҳсилоти умумӣ барои 14 ҳазору 720 талаба, муассисаҳои томактабӣ барои 1278 ҷой, беморхона барои 217 кат ва дармонгоҳ барои 665 қабул дар як баст ба истифода дода шуданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
