Корҳои назаррас дар самти фаъолияти минтақаҳои озоди иқтисодӣ

Душанбе, 29.01.2015. (АМИТ “Ховар”, Рафоати Абдулҳамид).- Соли 2014 дар самти фаъолияти минтақаҳои озоди иқтисодӣ корҳои назаррас ба анҷом расонида шуданд. 
Тавре ки дар ҳисоботи солонаи Вазорати рушди иқтисод ва савдои кишвар омадааст, дар айни ҳол дар минтақаҳои озоди иқтисодии ҷумҳурӣ ҳамагӣ 50 ширкати ватанию хориҷӣ ҳамчун субъект ба қайд гирифта шудааст. Аз ҷумла, дар МОИ “Суғд” 22 субъект, МОИ “Данғара” 20 ва МОИ “Панқ” 8 субъект. Аз миқдори умумии субъектҳои бақайдгирифташуда дар айни замон 16 ширкат, аз ҷумла дар МОИ “Суғд” 13 ва дар МОИ “Данғара” 3 ширкат фаъолияти истеҳсолӣ, хизматрасонӣ ва фаъолияти содиротию воридотиро ба роҳ мондааст.
Гуфта мешавад, дар давраи ҳисоботӣ дар минтақаҳои озоди иқтисодии кишвар ба маблағи умумии 46,0 млн сомонӣ истеҳсоли маҳсулоти саноатӣ, хизматрасониҳо ва фаъолияти содиротию воридотӣ анҷом дода шудааст.