Мастчоҳ: Мусодираи автомати АКМС
Душанбе, 28.01.2015 (АМИТ «Ховар», Лайло Тоирӣ).- Дар деҳаи Сабағи ҷамоати деҳоти Лангари ноҳияи Мастчоҳи кӯҳии вилояти Суғд, ки таҳти назорати Комендатураи алоҳидаи сарҳадии «Мастчоҳи кӯҳӣ»-и қӯшунҳои сарҳадии Кумитаи давлатии амнияти миллии Ҷумҳурии Тоҷикистон (КДАМ ҶТ) қарор дорад, 23-юми январи соли ҷорӣ мувофиқи ахбори пешакӣ, аз тарафи сарҳадбонони тоҷик амалиёти махсус оид ба мусодираи яроқи оташфишони навъи АКМС гузаронида шуд.
Бино ба иттилои Маркази матбуоти қӯшунҳои сарҳадии КДАМ ҶТ, шаҳрванд Сафаров Абдураҳим Валиевич, соли таваллудаш 1959, соҳиби 10 фарзанд, истиқоматкунандаи деҳаи Сабағи ҷамоати деҳоти Лангари ноҳияи Мастчоҳи кӯҳӣ дар хонааш ғайриқонунӣ яроқи оташфишони навъи АКМС-ро нигоҳ медошт.
Зимни чорабинӣ шаҳрванд А. В. Сафаров аз омадани сарҳадбонон ба хонааш огоҳ гардида, ба онҳо муқобилият нишон дода, яроқро аз махфигоҳ гирифта, ба ҳаво якчанд тир холӣ кардааст. Сарҳадбонон дар ҷараёни иҷрои амалиёт маҳорати касбӣ нишон дода. ҷинояткорро безарар намуданд. Дар амалиёт касе зарар надидааст. Дар натиҷа сарҳадбонон аз хонаи шаҳрванд Сафаров Абдураҳим Валиевич як адад автомати тамғаи АКМС, 3 адад тирдон ва 20 дона тирҳои қутбаш 7,62 мм. дарёфт ва мусодира намуданд.
Дар айни замон шаҳрванд Сафаров Абдураҳим Валиевич дар маҳкамаи муваққатӣ ҷойгир шуда, тафтиш идома дорад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
