Мувофиқаи нақшаҳои генералии Вахш, Ҷиликул, Дарвоз, Спитамен

 
Душанбе, 14.01.2015. (АМИТ “Ховар”, Ситораи Боймурод).- Имрӯз зимни нишасти матбуотӣ раиси Кумитаи меъморӣ ва сохтмони назди Ҳукумати Ҷумҳурии Тоҷикистон Комилзода Абдувалӣ ба саволи хабарнигор дар мавриди нақшаи генералии шаҳру ноҳияҳо посух дода гуфт, ки дар айни замон аз 65 шаҳру ноҳияи ҷумҳурӣ нақшаҳои генералии 30 шаҳру ноҳия таҳия гардидааст.
Нақшаи генералии ноҳияи Темурмалик барои тасдиқ ба Ҳукумати ҶТ пешниҳод гардида, нақшаҳои генералии 8 шаҳру ноҳияи дигар, аз ҷумла Вахш, Ҷиликул, Ҷалолиддини Румӣ, Дарвоз, Спитамен, Мӯъминобод, Сарбанд, Қайроққум барои мувофиқа дар вазорату идораҳои дахлдор қарор дорад.
Таҳияи нақшаи генералии 9 шаҳру ноҳияи дигар, аз ҷумла шаҳри Панҷакент ноҳияҳои Бохтар, Восеъ, Ҷаббор Расулов, Мурғоб, Варзоб, Ғончӣ, Ашт, Абдураҳмони Ҷомӣ пурра ба анҷом расидааст. Таҳияи нақшаҳои генералии шаҳру ноҳияҳои Мастчоҳ 5%, Бобоҷон Ғафуров 30% ва шаҳри Турсунзода 5% иҷро гардида, корҳо идома доранд.
Тибқи нақшаи чорабинии кумита тасҳеҳи нақшаи генералии ҳамаи шаҳру ноҳияҳои ҷумҳурӣ бояд то охири соли 2015 анҷом ёбад.