Оғози даври зимистонаи омӯзиш дар ҚМ ҶТ
Душанбе, 08.01.2015 (АМИТ «Ховар», Лайло Тоирӣ).- Шурӯъ аз моҳи январи соли ҷорӣ даври зимистонаи омӯзиш дар Қувваҳои Мусаллаҳи Ҷумҳурии Тоҷикистон оғоз гардид. Вобаста ба ин, дар тамоми ҷузъу томҳои тобеи Вазорати мудофиа ҷамъомад доир гардида, афсарону сарбозон аз рӯи мавзӯъҳои пешбинишуда, дар давоми даври омӯзиш ба таълимоти фанҳои низомӣ фаро гирифта мешаванд.
Бино ба иттилои хадамоти матбуоти Вазорати мудофиаи ҷумҳурӣ ҳамасола даври тобистонаи омӯзиш дар Қувваҳои Мусаллаҳи Ҷумҳурии Тоҷикистон аз аввали моҳи июн оғоз гардида, даври зимистонаи он дар аввали моҳи декабр роҳандозӣ мегардад.
Соли равон бо фармони вазири мудофиаи Ҷумҳурии Тоҷикистон оғози таҳсили зимистона ба аввали моҳи январ гузаронида шуд, ки тамоми қисму воҳидҳои ҳарбии Вазорати мудофиа омодагии ҳамаҷониба доштанд.
Барномаи таълимии омӯзиш тибқи нақшаи ягонаи омодагии ҷангӣ дар Қувваҳои Мусаллаҳ сурат гирифта, сарбозон мувофиқ ба талаботи давру замон омӯзонида мешаванд. Ҳамасола афсарону сарбозон дар асоси барномаи таҳияшуда ба таълиму омӯзиши мавзӯъҳои мухталиф ва машғулиятҳои амалӣ-саҳроӣ ҷалб мешаванд.
Зимни анҷоми даври омӯзиш дар Қувваҳои Мусаллаҳ ҳар як афсару сарбози Артиши миллӣ аз дарсҳои тайёрии ҷамъияти давлатӣ, командирӣ, тайёрии ҷисмонӣ, машғулиятҳои тахассусӣ вобаста ба мавзӯъҳои пешбинишуда дар назди масъулини соҳа санҷиш месупоранд.
Дар қисми низомӣ дар вилояти Суғд Рӯзи дарҳои кушод доир гардид
«КОРВОНИ ДИДОР». Бахшида ба рӯзи Қувваҳои Мусаллаҳи Ҷумҳурии Тоҷикистон дар ноҳияи Шоҳмансур ҳамоиши тантанавӣ доир шуд
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
