Санҷиши сатҳи донистани забони давлатӣ ифтихор аст, на таҳқир!
(Вокуниш ба андешаи Файзинисо Воҳидова)
Душанбе, 20.01.2015. (АМИТ «Ховар»). — Адвокат Файзинисо Воҳидова дар мусоҳибааш зери унвони «Санҷиши донистани забони давлатӣ таҳқир аст» парлумони кишварро ниҳоди шахшуда ва санҷиши донистани забони давлатиро аз ҷониби номзадҳо таҳқир ҳисобидааст.
Ӯ қайд кардааст, ки “ҷорӣ шудани санҷиши донистани забони давлатӣ барои номзадҳо ба вакилӣ дар парлумон таҳқири намояндагони мардумӣ аст, ки дар Тоҷикистон кору зиндагӣ мекунанд”
Муҳтарама Файзинисо Воҳидова! Ин ақидаи Шумо беасос ва хилофи қонун аст. Қонуни конститутсионии Ҷумҳурии Тоҷикистон “Дар бораи интихоботи Маҷлиси Олии Ҷумҳурии Тоҷикистон” муқаррар кардааст, ки номзадҳо ба вакилии Маҷлиси намояндагони Мҷлиси Олӣ бояд забони давлатиро донанд. Ин талаботи Қонунро Комиссияи марказии интихобот ва раъйпурсӣ ба роҳбарӣ гирифта, санҷиши сатҳи донистани забони давлатиро барои номзадҳо роҳандозӣ намуд. Шумо ҳуқуқшинос ҳастед ва аз қонунҳои кишвар хуб бохабаред. Мувофиқи талаботи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ҳар як шаҳрванди Ҷумҳурии Тоҷикистон вазифадор аст забони давлатиро донад ва коргузории мақомоти ҳокимияти қонунгузор, иҷроия ва судӣ дар Ҷумҳурии Тоҷикистон ба забони давлатӣ сурат мегирад. Чаро ин меъёрҳои қонунро нодида мегиред ва дар ин масъала мардумро ба иштибоҳ мебаред. Шахсе, ки забони давлатиро намедонад, чӣ гуна қонун таҳия мекунад? Илова бар ин, таҷрибаи санҷиши сатҳи забони давлатиро донистани номзадҳо на танҳо дар Ҷумҳурии Тоҷикистон, балки дар аксарияти давлатҳои ҷаҳон мавҷуд аст. Чаро мардуми дигар давлатҳо аз он хуш пазироӣ мекунанду Шумо онро таҳқир меҳисобед?
Дар қисми низомӣ дар вилояти Суғд Рӯзи дарҳои кушод доир гардид
«КОРВОНИ ДИДОР». Бахшида ба рӯзи Қувваҳои Мусаллаҳи Ҷумҳурии Тоҷикистон дар ноҳияи Шоҳмансур ҳамоиши тантанавӣ доир шуд
Маркази ҷумҳуриявии илмии саратоншиносӣ бо дастгоҳи муосири ташхиси рентгении рақамӣ (Digital x-ray) таъмин гардид
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
